मुक्तिनाथ बैंकको २२ लाख ५० हजार सम्मको बीमा सुविधा भएको “मुक्तिनाथ उत्कृष्ट मुद्धती” योजना
काठमाडौं, १६ भदौ । मुक्तिनाथ विकास बैंक लि.ले निक्षेपकर्ताहरुलाई अत्यन्त लाभदायी ब्याजदर प्रदान गर्नेे र रु २२.५० लाख सम्मको बीमा सुविधा दिने “मुक्तिनाथ उत्कृष्ट मुद्धती” योजना सञ्चालनमा ल्याएको छ ।
यो योजना अन्तर्गत व्यतिmगत मुद्धती खातामा न्यूनतम रु ५ लाख मौज्दात राखेर मुद्धती खाता खोल्ने खातावालहरुले आफनो लागि रु १० लाख सम्मको दुर्घटना बीमा, रु. २ लाखको घातक रोग बीमा र रु. ५० हजारको आवधिक जीवन बीमा, साथै खातावालाको परिवारको कुनै एउटा सदस्यको समेत रु १० लाख सम्मको दुर्घटना बीमा सुविधा पाउने बैंकले बताएको छ ।
यस योजना अन्तर्गत ग्राहकहरुले १ वर्ष देखि २ वर्ष सम्मको मुद्धती खाता खोल्न सक्ने छन् र जति अवधिको मुद्धती खाता खोल्ने हो त्यतीनै समय अवधिको लागि बीमा सुविधा प्राप्त गर्ने बैंकले बताएको छ । यो योजनाबाट ग्राहकवर्गहरुलाई अत्यन्त फाइदा पुग्ने विश्वास बैंकले लिएको छ ।
साथै, बैंकले डिजिटल कारोबारलार्ई प्रोत्साहन गर्न यस विकास बैंकको एटीएम कार्ड प्रयोग गरी नेपालभरी रहेको भिषा नेटवर्कमा आवद्ध अन्य जुन सुकै बैंकको एटीएम मेसिन बाट निशुल्क रकम झिक्न सकिने व्यवस्था गरेको छ ।
