नेप्से परिसूचक ६.६८ अंकले बढ्यो
काठमाडौं, १९ भदौ । यस साताको पहिलो कारोबार दिन आइतबार शेयर कारोबार उकालो लागेको छ ।
यस दिन स्टक एक्सचेन्जमा आबद्व कम्पनीको शेयर कारोबार मापक नेप्से परिसूचक ६.६८ अंकले बढेर १९७७.३० अंकमा पुगेको छ । यो अघिल्लो दिनको तुलनामा ०.३४ प्रतिशतले बढी हो ।
आइतबार २२७ कम्पनीको २८ लाख ७६ हजार २ सय ८८ कित्ता शेयर किनबेच हुँदा १ अर्ब ७ करोड १६ लाख १५ हजार रुपैयाँ भन्दा बढीको कारोबार भएको छ ।
ठुला कम्पनिको उपसूचक ०.५७ अंकले बढेर ३८३.७७ अंकमा पुगेको छ । यो अघिल्लो दिनको तुलनामा ०.१५ प्रतिशतले घटेको हो ।
यस्तै १३ समूहका कम्पनीको उपसूचक मध्ये यस दिन ९ समूहको कारोबार बढेको र ४ समूहका कम्पनीको कारोबार घटेको छ । आज सबै भन्दा धेरै विकास बैंक समूहका कम्पनीको कारोबार ५५.२४ अंकले बढेको छ ।
