एक दिनभन्दा टिकेन शेयर बजारको वृद्धि, बिहीवार ५७ अंकले ओरालो

काठमाडौं, ३० भदौ । यस साताको चौथो कारोबार दिन बुधवार उत्साहजनक रूपमा बढेको शेयर बजार बिहीवार थामिन सकेन । यस दिन बजार मापक नेप्से परिसूचक ५७ अंकले घटेर पुनः १९२४.४८ अंकमा आइपुगेको छ ।

बिहीवार कारोबारमा आएका सबै समूहको उपसूचक राताम्मे भएका छन् । यस दिन कारोबार रकम भने अघिल्लो दिनको तुलनामा बढेको छ । बिहीवार २३२ कम्पनीको ६९ लाख ४० हजार ५९६ कित्ता शेयर किनबेच हुँदा २ अर्ब १२ करोड ४६ लाख रुपैयाँभन्दा बढीको कारोबार भएको छ । यस दिन वित्त समूहको उपसूचक सर्वाधिक ५.२४ प्रतिशतले खस्किएको छ ।