नेप्से परिसूचक १४.३५ अंकले उकालो
काठमाडौं, ६ कात्तिक । साताको पहिलो दिन शेयर कारोबार उकालो लागेको छ । आइतबार नेप्से परिसूचक १४.३५ अंकले बढेर १८५८.४९ बिन्दुमा पुगेको छ ।
यस दिन कारोबार रकममा भने सामान्य सुधार आएको छ । आइतबार ५१ करोड ६८ लाख ३ हजार रुपैयाँको शेयर कारोबारमा १५ लाख ३८ हजार ४२ कित्ता शेयर कारोबार भएको छ ।
यस्तै १३ समूहका उपसूचक मध्ये ११ समूहका कम्पनीको कारोबार बढेको छ भने २ समूहका कम्पनीको कारोबार घटेको छ । आज सबै भन्दा धेरै ९०.०९ अंकले र्निजीवन बिमा समूह तर्फका कम्पनीको कारोबार बढेको छ ।
