मुक्तिनाथ विकास बैंकले कृषि क्षेत्रमा लगानी विस्तारको लागि आइडिई नेपालसँग सहकार्य गर्ने

काठमाडौं, १० जेठ । मुक्तिनाथ विकास बैंक लिमिटेडले कास्की, स्याङ्गजा र पाल्पाका किसानहरुलाई कृषि क्षेत्रमा लगानी विस्तारको लागि आइडिई नेपालसँग सहकार्य गरेको छ । सो सम्बन्धी सम्झौतापत्रमा मुक्तिनाथ विकास बैंकको तर्फबाट प्रमुख कार्यकारी अधिकृत प्रद्युमन पोखरेल र आइडिई नेपालका कन्ट्री डाइरेक्टर डा. लुकी क्यलाभिटोले हस्ताक्षर गरेका छन् ।

सम्झौता बमोजिम आइडिईले सो जिल्लाका किसानहरुलाई प्राविधिक तालिमहरु प्रदान गर्ने र मुक्तिनाथ विकास बैंकले कृषि सम्बन्धी लघु कर्जा प्रदान गर्ने छ । यस कार्यक्रमबाट किसानहरुको प्राविधिक ज्ञान र सीपमा अभिबृद्धि हुनुको साथै आय बृद्धिमा टेवा पुग्ने अपेक्षा गरिएको छ ।