महिला सशक्तीकरणमा-महालक्ष्मी लाइफ कार्यक्रमको शुभारम्भ
काठमाडाैं, ५ पुस । युवासँग-महालक्ष्मी लाइफको सफलतापछि महालक्ष्मी लाइफ इन्स्योरेन्स लिमिटेडले महिला सशक्तीकरणमा-महालक्ष्मी लाइफ कार्यक्रमको शुभारम्भ गरेको छ।
कम्पनीका प्रमुख कार्यकारी अधिकृत रमेश कुमार भट्टराईले महिला सशक्तीकरणमा-महालक्ष्मी लाइफ कार्यक्रमको विस्तृत अवधारणा र महिला सशक्तीकरणमा कार्यक्रमले पार्ने प्रभावबारे जानकारी गराए। देशमा महिलाको जनसंख्या पुरुषको दाजोमा बढ्दै गइरहेकोले उनीहरुलाई सक्षम र आर्थिक रुपमा सवल नवनाई देश अघि बढ्न सक्दैन। महिलाहरुलाई तालिम दिई रोजगारीमार्फत आय आर्जनको बाटोमा अग्रसर गराउन यो कार्यक्रम उपयोगी र फलदायी हुने जानकारी प्रमुख कार्यकारी अधिकृत भट्टराईले दिए।
आ.व. २०७९/८० भित्र परीक्षणको रुपमा सञ्चालन हुने यो कार्यक्रम ३० जिल्लामा सञ्चालन गरिनेछ । यो कार्यक्रममार्फत ६० जना महिलालाई प्रत्यक्ष रोजगारी र ३ हजारभन्दा बढीलाई अप्रत्यक्ष रोजगारी दिने लक्ष्य लिइएको छ। यो कार्यक्रममा सरकारी, गैरसरकारी निकायसँग समन्वय गरी महिलाहरुलाई तालिम दिने, रोजगारीको लागि बीमा लगायत विभिन्न कार्यमा संलग्न गराउने र नियमित अभिप्रेरित गर्ने कार्यक्रम रहेको छ।
