Date

सोम, असार ४, २०८१
Mon, June 17, 2024

‘संकटको संघारमा रहेकाे अर्थतन्त्र उद्धार गर्न तयार छु’

‘संकटको संघारमा रहेकाे अर्थतन्त्र उद्धार गर्न तयार छु’

काठमाडौं, ११ पुस । नवनियुक्त उपप्रधानमन्त्री तथा अर्थमन्त्री विष्णु पौडेलले पदभार ग्रहण गरेका छन् । साेमबार नवनियुक्त अर्थमन्त्री पौडेलले संकटको डिलमा रहेको अर्थतन्त्रको तत्काल उद्धार गर्न आफु तयार रहेको बताएका छन् ।

संकटको डिलमा रहेको यो अर्थतन्त्रलाई सुरक्षित ठाँउमा फर्काउनको लागि र व्यवस्थित रुपमा अघि बढाउँन ठुलो मेहनत गर्नु पर्ने र विगतका आफ्नै अनुभवहरुबाट राम्रो शिक्षा लिएर अगाडि बढ्नुपर्ने आवश्यकता औंल्याए। ‘त्यसैले अर्थतन्त्रका सबै विज्ञहरुको राय र सुझावलाई संगठित गर्दै अर्थतन्त्रका चुनौतिहरु के हुन्, ती चुनौती सिर्जना हुनको राष्ट्रिय र अन्तर्राष्ट्रिय कारण के हो? यस्ता समस्याका समाधान के हुनसक्छन्? सबै क्षेत्रका विषेशज्ञ र विज्ञहरु सँग सघन ढंगले छलफल तथा सम्वाद गर्दै समस्या पहिचान गर्ने र समाधान गर्ने आत्माविस्वासका साथमा यो जिम्मेवारीमा उपस्थित भएको छु’ उनले भने ।

उनले बिग्रिन्दो अर्थतन्त्रबाट चिन्तित भएकाहरुसँग जिवन्त सम्वादमा रहेर समस्या पहिचान गर्ने र समस्या समाधानको लागि घनिष्ट सहकार्य गर्ने प्रतिवद्धता उनले गरे । उनले आजको चुनौतीहरुलाई चिर्दै दिगो अर्थतन्त्र निर्माणमा सबै क्षेत्रसँग सहकार्य गर्ने प्रतिवद्धता गरे ।

त्यस्तै, मन्त्री पौडेलले अर्थ मन्त्रालयअन्तर्गतका निकायलाई डिजिटलाइजेसन गर्ने पहिलो निर्णय गरेका छन् ।

अर्थकोअर्थ

Related Posts

Leave a Reply

Your email address will not be published. Required fields are marked *

Read also x