पाेखरा विमान दुर्घटनामा परेका मध्ये ७० जनाको शव भेटियाे, दुईको खाेजी जारी
काठमाडौं, ३ माघ । पोखरामा भएको यती एयरलाइन्सको विमान दुर्घटनामा परेका मध्ये ७० जनाको शव भटिएकाे छ । कास्कीका प्रमुख जिल्ला अधिकारी टेकबहादुर केसीका अनुसार बाँकी दुई जनाको खाेजी तथा उद्धार कार्य जारी नै छ ।
संकलित शव पोखरा स्वास्थ्य विज्ञान प्रतिष्ठानमा राखिएको छ भने परीक्षणपछि पहिचान भएका शव प्रक्रिया पूरा गरी आफन्तलाई बुझाइँदै छ । नेपाली सेनाको हेलिकोप्टरमार्फत ती शवहरू काठमाडौंस्थित त्रिवि शिक्षण अस्पताल ल्याइने बताइएकाे छ ।
गत आइतबार चालक दलका चार सदस्यसहित ७२ जना सवार विमान बिहान १० बजेर ३२ मिनेटमा पोखरा अन्तर्राष्ट्रिय विमानस्थलबाट करिब १८ सय मिटर पर सेती नदीको खोचमा खसेको थियो ।
