काठमाडौं महानगरपालिकाले ल्यायाे प्रत्येक दुई वर्षमा घरभाडा १० प्रतिशतले बढाउने निर्देशिका
काठमाडौं, ४ फागुन । काठमाडौं महानगरपालिकाले घर बहाल रकम निश्चित अवधिमा बढाउने निर्देशिका ल्याएकाे छ । महानगरले ल्याएको ‘घर बहाल व्यवस्था निर्देशिका २०७९’ अनुसार महानगर भित्र बहालमा दिएका घरहरुले दुई वर्षमा १० प्रतिशतले बढाउन सक्ने भनिएकाे छ ।
‘घरबहाल रकम प्रत्येक २/२ वर्षमा १० प्रतिशतका दरले वृद्धि हुने छ’ महानगरले तयार पारेको सम्झौता पत्रको ढाँचाको बुँदा नम्बर ७ मा भनिएको छ । यो व्यवस्था कार्यान्वयन भएसँगै घरधनीहरुले मनलाग्दी भाडा उठाउन पाउँदैनन् भने तोकिएको भाडाको आधारमा महानगरमा घर बहाल कर तिर्नुपर्ने महानगरले जनाएकाे छ ।
