Date

शुक्र, चैत्र १६, २०८०
Fri, March 29, 2024

नबिल बैंक र पूर्वाञ्चल विश्वविद्यालयबीच वित्तीय कारोबारसम्बन्धी समझदारी

नबिल बैंक र पूर्वाञ्चल विश्वविद्यालयबीच वित्तीय कारोबारसम्बन्धी समझदारी

काठमाडौं, ७ वैशाख । नबिल बैंक लिमिटेड र पूर्वाञ्चल विश्वविद्यालय बीच वित्तीय कारोबार र विभिन्न तालिम सञ्चालनसम्बन्धी समझदारी भएको छ । समझदारी पत्रमा नबिल बैंकका प्रमुख कार्यकारी अधिकृत ९सीईओ० ज्ञानेन्द्रप्रसाद ढुंगाना र पूर्वाञ्चल विश्वविद्यालयका रजिस्टार नीलमणि पोखरेलले हस्ताक्षर गरे ।

समझदारी अन्तर्गत बैंकले विश्वविद्यालय परिसरमा शाखा स्थापना गरी शिक्षक तथा कर्मचारीहरूलाई अत्याधुनिक बैंकिङ सेवा उपलब्ध गराउने छ र विश्वविद्यालयले मानवसंशाधनको वृत्ति विकासका लागि तालिम विकासमा सहयोग गर्ने उल्लेख छ ।

यो समझदारी दुवै संस्थाका लागि लाभदायक भएको बैंकका सीईओ ढुंगानाले बताए । ’पूर्वाञ्चल विश्वविद्यालयसँगको सहकार्यले बैंकका कर्मचारीको वृत्ति विकासमा सहयोग पुग्छ र विश्वविद्यालयका शिक्षक तथा कर्मचारीले पनि सहुलियतदरमा स्तरीय आधुनिक बैंकिङ सेवा पाउने भएकोले समझदारी दुवैको हितमा रहेको छ’ ढुंगानाले भने ।

सम्झौता कार्यक्रममा पूर्वाञ्चल विश्वविद्यालयका उपकुलपति डा। यादवराज कोइराला, अनुगमन तथा मूल्यांकन महाशाखा प्रमुख सञ्जेशप्रसाद कोइरालाका साथै नबिल बैंकका नायब कार्यकारी प्रमुख भुपेन्द्र पाण्डे र चिफ होलसेल लायबिलिटी कविन्द्रप्रसाद श्रेष्ठको उपस्थिति रहेको थियो

अर्थकोअर्थ

Related Posts

Leave a Reply

Your email address will not be published. Required fields are marked *

Read also x