ताेलामा ९०० रूपैयाँले घट्याे सुनकाे मूल्य, कतिमा हुँदैछ किनबेच ?
काठमाडाैं, १२ साउन । शुक्रबार नेपाली बजारमा सुनकाे मूल्य घटेकाे छ । हिजाे बिहिबार ताेलामा ८०० रूपैयाँले बढेकाे सुनकाे मूल्य आज ताेलामा ९ सय रुपैयाँले घटेकाे नेपाल सुनचाँदी पव्यवसायी महासंघले जनाएकाे छ ।
सुनचाँदी बजारमा आज सुनको मूल्य घटेको छ । शुक्रबार छापावाला सुनको मूल्य १ लाख १२ हजार ६ सय रुपैयाँ कायम भएको छ ।
बिहीबार प्रतितोला १ लाख १३ हजार ५ सय रुपैयाँमा कारोबार भएको छापावाला सुन आज प्रतितोला १ लाख १२ हजार ६ सय रुपैयाँ कायम भएको महासंघले जनाएको छ ।
त्यस्तै, तेजावी सुन प्रतितोला १ लाख १२ हजार ५० रुपैयाँ कायम गरिएको छ भने चाँदी प्रतितोला ४० रुपैयाँले घटेर १ हजार ४ सय ५० रुपैयाँ कायम भएको महासंघले जनाएको छ ।
