गृहमन्त्री लेखकद्वारा रवि लामिछानेको अमेरिकी भिसामाथि स्पष्टीकरण माग
काठमाडाैं, २५ असार । गृहमन्त्री रमेश लेखकले राष्ट्रिय स्वतन्त्र पार्टी (रास्वपा) लाई पार्टी अध्यक्ष रवि लामिछानेले संयुक्त राज्य अमेरिकाको भ्रमण भिसामा यात्रा गरेका हुन् वा होइनन् भन्नेबारे स्पष्टीकरण दिन आग्रह गरेका छन्।
बुधबारको प्रतिनिधि सभा बैठकमा बोल्दै गृहमन्त्री लेखकले लामिछाने भ्रमण भिसामा अमेरिका गएको आफूले सुनेको भन्दै पार्टीलाई उनले प्रयोग गरेको भिसाको प्रकारबारे स्पष्टीकरण दिन माग गरे। लेखकले लामिछाने भ्रमण भिसामा अमेरिका गएका हुन् वा होइनन्, र यदि होइनन् भने कुन प्रकारको भिसा प्रयोग गरेका थिए भनी प्रश्न गरे।
गृहमन्त्रीले थप प्रश्न गर्दै, के भ्रमण भिसामा मात्र कुनै देशमा बसोबास गरी त्यसको नागरिकता प्राप्त गर्न सम्भव छ भनी सोधे। उनले भिसा दुरुपयोगमा संलग्न रहेको आरोप लागेका पार्टीका नेता तथा सदस्यहरूलाई नैतिकताका बारेमा अरूलाई प्रवचन दिने नैतिक अधिकार छ वा छैन भनी प्रश्न गर्दै, नैतिक मापदण्ड आफैबाट सुरु हुनुपर्नेमा जोड दिए।
