नेपालमा पहिलो पटक हुम्तोको शो रुम काठमाडौंको न्युरोड स्थित नेपा कम्पेक्समा खुल्यो
काठमाडौं, ५ भदौं । नेपालमा पहिलो पटक हुम्तोको शो रुम काठमाडौंको न्युरोड स्थित नेपा कम्पेक्समा संचालनमा ल्याइएको हो । विशेषगरी ट्रेकिङ जानेहरुका लागि आवश्यक पर्ने जुत्ता, कपडा, टेन्टलगायत सबै सामाग्री हुम्तोमा पाइने छ ।
नेपाली उपभोक्तामा गुणस्तरीय र विश्वविख्यात ब्राण्डप्रति बढ्दो आकर्षणलाई मध्यनजर गर्दै हुम्ता ब्रान्ड नेपाल भित्र्याइएको कम्पनीले जनाएको छ । हुम्तो विश्वव्यापी रुपमै गुणस्तरीय ब्रान्डको रुपमा स्थापित छ । नेपालीहरुको बढ्दो ब्रान्डप्रतिको आकर्षण मध्यनजर गर्दै सस्तो र सुलभ मूल्यमा गुणस्तरीय सामान उपलब्ध गराउने उद्धेश्यले हुम्तो नेपाल भित्र्याइएको हुम्तो नेपालका कार्यकारी निर्देशक सुदर्शन न्यौपानले जानकारी दिनुभयो ।
न्युरोडसंगै अब छिट्टै नै काठमाडौको सिभिल मल, दरबारमार्ग, ठमेल, पोखरा लगायतका पर्यटकीय शहर र अन्य मुख्य शहरमा शाखा विस्तार गरिने उनले जानकारी दिनुभयो ।
