अन्तिम कारोबार दिन २०.१६ अंकले घट्यो शेयर बजार, म्युचुअल फन्डबाहेक सबै समूह घटे
काठमाडौं, २५ असोज । साताको अन्तिम कारोबार दिन आज (बिहीवार) धितोपत्र बजार २०.१६ अंकले घटेको छ । नेपाल राष्ट्र बैंकले मार्जिन प्रकृतिको कर्जाको सीमा गरेको संशोधन पछि लगातार घटेको बजार बुधवार झीनो अंकले बढे पनि आज त्यसले निरन्तरता पाउन सकेन । आज बजार मापक नेप्से परिसूचक १.०६ प्रतिशतले घटेर १८७४.६० अंकमा सीमित भएको छ ।
बिहीवार २९२ कम्पनीको शेयर कारोबार भएकोमा २३ ओटाको मात्र बढेको छ भने २१० ओटाको घटेको छ । यस्तै चारओटाको मूल्य स्थिर रहेको छ । यस दिन ७५ लाख ५८ हजार ५१२ कित्ता शेयर किनबेच हुँदा १ अर्ब ७० करोडभन्दा बढीको कारोबार भएको छ ।
बिहीवार म्युचुअल फन्डबाहेक सबै समूहको उपसूचक घटेका छन् ।
