साताको शेयर कारोबारः नेप्से ७१ अंकले घट्दा २५ अर्बको कारोबार
काठमाडौं, १३ माघ । यो साता नेप्से परिसूचक ७१ दशमलव ७३ अंकले घटेको छ । साताभरमा भएको ५ कारोबारमध्येमा यस साता पाँचै कारोबार दिन नेप्से घटेको छ । गत साता मंगलबारदेखि घट्न थालेको नेप्से यस साता भरी नै घटेर बन्द भयो ।
यो साता २५ अर्ब ९९ करोड ९९ लाख रुपैयाँभन्दा बढीको ७ करोड ५४ लाख ४ हजारभन्दा बढी कित्ता शेयर कारोबार भएको छ ।
आइतबार २५ दशमलव ६३ अंकले घटेको नेप्से परिसूचक सोमबार ३१ दशमलव ४९ अंक, मंगलबार शून्य दशमव ४० अंक, बुधबार १० दशमलव २५ अंक र अन्तिम कारोबार दिन ३ दशमलव ९४ अंकले घटेको हो ।
लगातार घटेको बजारमा होटल तथा पर्यटन समूहको परिसूचक भने १ दशमलव २१ प्रतिशत बढेको छ । बाँकी समूहका परिसूचक भने घटेका छन् । यो साता म्युचुअल फण्डको परिसूचक सबैभन्दा कम शून्य दशमलव २१ प्रतिशत घटेको छ ।
लगानी समूहको परिसूचक सबैभन्दा बढी ५ दशमलव ६२ प्रतिशत घटेको छ । त्यस्तै विकास बैंकको ४ दशमलव ८६ प्रतिशत, वित्तको ४ दशमलव ३६ प्रतिशत, लघुवित्तको ४ दशमलव शून्य ५ प्रतिशत, जलविद्युतको ३ दशमलव ८७ प्रतिशत, बैंकिङको ३ दशमलव ६२ प्रतिशत, उत्पादन तथा प्रशोधनको ३ दशमलव १२ प्रतिशत, जीवन बीमाको २ दशमलव ९० प्रतिशत, व्यापारिकको २ दशमलव २२ प्रतिशत, निर्जीवन बीमाको २ दशमलव शून्य ५ प्रतिशत र अन्यको १ दशमलव शून्य २ प्रतिशत परिसूचक घटेको छ ।
