सुनकाे मूल्यमा दिनदिनै नयाँ रेकर्ड कायम, कतिमा हुँदैछ काराेबार ?

काठमाडाैं, २७ फागुन । गत सातादेखी लगातार बढेकाे सुनकाे मूल्य यस साता पनि निरन्तरता पाएकाे छ । आज काराेबारकाे पहिलाे दिन आइतबार पनि सुनकाे मूल्य ताेलामा १००० रूपैयाँले बढेकाे छ ।

लगातार ५ दिन बढेकाे सुनकाे मूल्यले दिनदिनै नयाँ मूल्य रेकर्ड कायम गर्दै आएकाे छ ।नेपाल सुनचाँदी व्यवसायी महासंघका अनुसार आज छापावाल सुनकाे मूल्य १ लाख २६ हजार रुपैयाँ पुगेको छ । याे हाल सम्मकै उच्च मूल्य हाे । गत शुक्रबार छापावाल सुनकाे मूल्य प्रतितोला १ लाख २५ हजार रुपैयाँ रहेको थियाे ।

यस्तै आज तेजावी सुनकाे मूल्य प्रतिताेला १ लाख २५ हजार ४०० रूपैयाँ कायम भएकाे छ । गत शुक्रबार तेजावी सुन प्रतितोला १ लाख २४ हजार ४ सय रूपैयाँ रहेकाे थियाे ।

यता आज चाँदीकाे मूल्य पनि ताेलामा ५ रूपैयाँले बढेर १ हजार ४७५ रूपैयाँमा कारोवार भइरहेको छ।