Shangrila

माथिल्लो तामाकोशी आयोजना निर्माणले दैनिकी सहज, स्थानीय भन्छन्– ‘यस्तो होला भन्ने सोचेका पनि थिएनौ’

काठमाडौं, १८ असार । दोलखा जिल्लाको उत्तरी भेग स्थित विगु गाँउपालिकामा निर्माण भइरहेको ४ सय ५६ मेगावाटको बहुचर्चित माथिल्लो तामाकोशी जलविद्युत आयोजना निर्माणको काम अन्तिम चरणमा पुगेको छ । आयोजनाका अनुसार अव ४ प्रतिशत मात्र काम बाँकी छ ।

आयोजना निर्माण अन्तर्गत ठुल्ठूला चट्टान फोडेर सडक संचालनमा ल्याइ काम तीब्र बनाइएको थियो । आयोजना निर्माणसँगै सो क्षेत्रमा सडक संजाल समेत जोडिएको छ । जसले गर्दा स्थानीयहरुको जिवन स्तरमा उल्लेख्य सुधार आएको छ । आयोजना निर्माण हुनु अघि सदरमुकाम चरिकोट आउ–जाउका लागि मात्र चार दिन लाग्ने गरेकोमा अहिले केही घण्टामै आउ–जाउ गर्न पाइने स्थानीय पेम्बा शेर्पाले बताए । आफ्नो क्षेत्रमा यति ठुलो आयोजना बन्नला र आफुहरुको दैनिकी यति सहज होला भन्ने कहिल्यै नसोचेको भन्दै उनले निकै खुसी प्रष्ट गरे ।

त्यस्तै सोही स्थानकी कान्छीमाया तामाङले पनि घर तलबाट बगिरहेको नदिबाट विजुली निस्कन लागेको सुन्दा निकै खुसी लागेको बताइन । सो आयोजना निर्माणले विगु गाँउपालिकाको मुहार नै फेरिदिएको छ । पैदल यात्रा गर्न र टुकी बत्तीमा जिवन चलाईरहेका उनीहरुले अहिले यसबाट मुक्ति पाएका छन् । ‘हस्पिटल पनि खुलेको छ । सडक संजाल जोडिएसँगै आफ्ना उत्पादन सहजै सदरमुकाम सम्म ल्याएर बेच्न पाएका छौ यो भन्दा सुख सुविधा के खेज्ने ’ अर्का स्थानीय राम घलानले भने ।

अर्कोतर्फ अधिकांश स्थानीयले आयोजनामा क्षमता अनुसारको काम पनि पाएका छन् । लामबगरका ३५ वर्षिय हरि तामाङ गाँउमा बेरोजगार भएपछि विदेश जाने सोचमा थिए । तर जव यो आयोजना सुरु भयो उनले क्षमता अनुसारको काम पाए । त्यसपछि उनले विदेश जाने सोचाई नै त्यागि दिए । उनी आयोजनामा काम गर्छन भने उनकी श्रीमतीले घर धन्दासँगै बाख्रा पालन गरिरहेकी छिन् । ‘केही वर्ष अघि सम्म के खाउ के लाउ भन्ने अवस्था थियो,’ हरि तामाङले खुसी हुदै भने – ‘अहिले दुई छाक टार्न चिन्ता छैन । ’ उनी जस्तै सो क्षेत्रका अधिकांशले आफ्नै घर छेउमा रोजगारी पाएका छन् ।

सरकारको राष्ट्रिय गौरवका आयोजनाहरुको सूचीमा राखेका विभिन्न आयोजनाहरु मध्ये यो तामाकोसी जलविद्युत आयोजनालाई अत्यन्तै राम्रो प्रगती भएको अयोजनाको रुपमा लिइन्छ । यसलाई राज्यले पनि विद्युत विकासको कोसे ढुङ्गाको रुपमा लिएको छ ।

 

Laxmi Bank

 

Leave a Reply

Your email address will not be published. Required fields are marked *