मोलुङ हाइड्रोपावरको नोक्सानी घट्यो
काठमाडौं, २३ वैशाख । मोलुङ हाइड्रोपावर कम्पनी लिमिटेडको चालु आर्थिक वर्षको तेस्रो त्रैमाससम्मको वित्तीय विवरण अनुसार नोक्सानी घटेको छ । कम्पनीले उक्त अवधिसम्म १ करोड ८१ लाख ८१ हजार रुपैयाँ खुद नोक्सानी व्यहोरेको छ । गत वर्षको यसैअवधिमा यो कम्पनी २ करोड ६५ लाख रुपैयाँ घाटामा थियो ।
विद्युत बिक्रीबाट हुने आम्दानी बढेको छ भने यसको वित्तीय खर्च भने घटेको छ । जसकारण घाटा कम भएको हो । यस कम्पनीको विद्युत बिक्रीबाट हुने आम्दानी २ करोड १४ लाख रुपैयाँबाट बढेर २ करोड १५ लाख रुपैयाँ कायम भएको छ । यसको वित्तीय खर्च २ करोड ५० लाखबाट घटेर १ करोड ५९ लाख रुपैयाँ कायम भएको छ ।
