साताकाे अन्तिम काराेबार दिन दाेहाेराे अंकले घट्याे बजार, ४ अर्ब २१ करोडकाे काराेबार
काठमाडाैं, १७ जेठ । साताकाे अन्तिम काराेबार दिन बिहिबार नेपाल स्टक एक्सचेन्ज नेप्से परिसूचक दाेहाेराे अंकले घटेकाे छ। नेप्से परिसूचक आज १९.८९ अंकले घटेर २ हजार ६९ दशमलव ५३ को विन्दुमा पुगेको हो । हिजाे नेप्से परिसूचक २३ दशमलव ८१ अंकले घटेकाे थियाे ।
आज नेप्से परिसूचकसँगै काराेबार रकम पनि घटेकाे छ । यसदिन ९८ लाख ६४ हजार ४८२ कित्ता सेयर किनबेच हुँदा ४ अर्ब २१ करोड ७४ लाख रुपैयाँ बराबरको काराेबार भएकाे छ । हिजाे ४ अर्ब ५७ करोड ५० लाख रुपैयाँ बराबरको १ करोड ७ लाख कित्ता सेयर किनबेच भएको थियाे ।
आज काराेबार भएकाे बजारमा १७३ वटाको मूल्य घटेको छ भने ७० वटा कम्पनीको सेयर मूल्य बढेको छ । यस्तै ४ कम्पनीकाे सेयर मूल्य स्थिर रहेकाे छ ।
घटेकाे बजारमा नेपाल फाइनान्स लिमिटेड,अप्पर लोहोरे खोला हाइड्रोपावर र भगवति हाइड्राेपावर विकास कम्पनी गरी ३ कम्पनीकाे सेयर मूल्य १० प्रतिशतले बढेकाे छ ।
