प्रतिताेला १८ सयले बढेर सुनको मूल्यमा फेरि नयाँ रेकर्ड कायम
काठमाडाैं, २८ असार । शुक्रबार सुनकाे मूल्यले फेरि नयाँ रेकर्ड कायम गरेकाे छ । बिहीबार तोलामा ८ सय रुपैयाँ बढेको सुनको मूल्य आज एकैदिन सु १८ सय रूपैयाँले बढेकाे छ ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला १ लाख ४६ हजार ७ सय र तेजावी सनकाे मूल्य प्रतिताेला १ लाख ४६ हजार रूपैयाँ कायम भएकाे छ । यसअघि गत आइतबार १ लाख ४५ हजार ४ सय रुपैयाँ मूल्य रेकर्ड बनेको थियो ।
हिजाे छापावाल सुन प्रतिताेला १ लाख ४४ हजार ९ सय रुपैयाँ र तेजावी सुन प्रतिताेला १ लाख ४४ हजार २ सय रुपैयाँमा काराेबार भएकाे थियाे ।
चाँदीको भाउ पनि तोलामा १५ रुपैयाँ बढेको छ । अघिल्लो दिन प्रतितोला १८८५ रुपैयाँमा कारोबार भएको चाँदी आज १९०० कायम भएको छ ।
