आर्थिक वर्ष २०८०/८१ मा घरजग्गा कारोबारमा झिनाे सुधार
काठमाडाैं, ३ साउन । गत आर्थिक वर्ष २०८०/८१ मा घरजग्गा कारोबारमा केहि सुधार देखिएको छ । आव २०७९/८० को तुलनामा गत आव घरजग्गा कारोबारमा हुने लिखित पारित १५.६२ प्रतिशतले बढेर ५ लाख ३५ हजार ६ सय ७ पुगेको भूमि व्यवस्थापन तथा अभिलेख विभागको तथ्यांक छ ।
यसअघि २०७८/७९ को तुलनामा गत आव लिखत पारित ३८ प्रतिशतले घटेर ४ लाख ६३ हजार ३ सय २२ मा सीमित थियो । २०७८/७९ मा ७ लाख ४५ हजार लिखत पारित भएको थियो ।
२०७८/७९ को तुलनामा जग्गा कारोबारमा केही सुधार भए पनि २०७८/७९ को तुलनामा याे न्युन हाे ।
आर्थिक वर्ष २०८०/८१ को अन्तिम महिना अर्थात् असारमा देशभर ४४ हजार पाँच सय ७९ संख्यामा घरजग्गा कारोबार भएको विभागको तथ्यांकले देखाएको छ।असारमा सरकारलाई घरजग्गा कारोबारबाट पाँच अर्ब रूपैयाँ राजस्व प्राप्त भएको छ।
