३४.२९ अंकले बढ्यो नेप्से परिसूचक, २३ अर्ब ४३ करोड माथिकाे काराेबार
काठमाडाैं, ३० साउन । मंगलबार सामान्य अंकले घटेकाे सेयर बजार मापक नेप्से बुधबार दाेहाेराे अंकले बढेकाे छ । हिजाे ८ दशमलव १८ अंकले घटेकाे नेप्से आज ३४.२९ अंकले बढेर २ हजार ९ सय ५७ दशमलव ७५ बिन्दुमा कायम भएकाे छ ।
यस्तै आज कारोबार रकममा पनि बढेकाे छ । आज ५ करोड १२ लाख ३० हजार ३४० कित्ता सेयर २३ अर्ब ४३ करोड ५ लाख ८१ हजार रूपैयाँमा कारोबार भएको छ ।
हिजो ५ करोड २७ लाख ६४ हजार ८३२ कित्ता सेयर २१ अर्ब ५१ करोड ५० लाख १० हजार रूपैयाँमा कारोबार भएको थियो ।
यसदिन १५६ कम्पनिकाे सेयर मूल्य बढेकाे छ भने ७९ कम्पनीकाे सेयर मूल्य घटेकाे छ । यस्तै ८ वटाकाे स्थिर छ ।
सेन्ट्रल फाइनान्स लिमिटेड, समृद्धि फाइनान्स कम्पनी, प्रोग्रेसिभ फाइनान्स लिमिटेड, जलविद्युत लगानी तथा विकास कम्पनी लिमिटेड, माउन्टेन हाइड्रो नेपाल लिमिटेड, हिमालयन हाइड्रोपावर लिमिटेड, इन्ग्वा हाइड्रोपावर लिमिटेड र अपर स्याङ्गे हाइड्रोपावरको सेयर मूल्य १० प्रतिशतले बढेको छ ।
