आज पनि सुनको मूल्यमा उच्च गिरावट, दुई दिनमा १८ हजार ५०० रूपैयाँले घट्यो
काठमाडाैं, ११ मंसिर । मंगलबार पनि नेपाली बजारमा सुनकाे मूल्यमा भारी गिरावट आएको छ। साेमबार तोलामा १५ हजार ९०० रुपैयाँले घटेको सुनकाे मूल्य आज पनि प्रतिताेला २६ सय रूपैयाँले घटेकाे छ ।
नेपाल सुनचाँदी व्यवसायी महासंघका अनुसार आज छापावाल सुनको मूल्य १ लाख ४८ हजार ७०० रुपैयाँमा कारोबार भइरहेको छ। हिजो छापावाल सुन प्रतितोला १ लाख ५३ हजार ३०० रुपैयाँमा झरेको थियो।
साेमबार र मंगलबार गरी २ दिनमा सुनकाे मूल्य १८ हजार पाँच सय रूपैयाँले घटेको छ।
त्यसैगरी, मंगलबार चाँदीको मूल्य पनि ताेलामा २५ रूपैयाँले घटेको छ। सोमबार प्रतितोला एक हजार आठ सय ४५ रूपैयाँमा कारोबार भएको चाँदी मंगलबार प्रतितोला एक हजार आठ सय २० रूपैयाँमा किनबेच भइरहेको छ।
