पेट्रोल र हवाई इन्धनको मूल्य बढ्याे
काठमाडाैं, १६ मंसिर । शनिबार रातिदेखि लागु हुने गरी नेपाल आयल निगमले पेट्रोल र हवाई इन्धनको मूल्य बढाएकाे छ । पेट्रोलको मूल्य लिटरको एक रुपैयाँ र हवाई इन्धन आन्तरिकतर्फ प्रतिलिटर दुई रुपैयाँ तथा अन्तर्राष्ट्रियतर्फ प्रति लिटर अमेरिकी डलर १५का दरले बढाएको हाे ।
अब पेट्रोलको मूल्य पहिलो वर्गमा लिटरको एक सय ५७ रूपैयाँ ५० पैसा, दोस्रो वर्गमा एक सय ५९ रुपैयाँ र तेस्रो वर्गमा एक सय ६० रूपैयाँ पर्नेछ । पहिलो वर्गमा चारआली, विराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगञ्ज क्षेत्र पर्छन् ।
यस्तै दोस्रो वर्गअन्तर्गत सुर्खेत र दाङ छन् भने तेस्रो वर्गमा काठमाण्डौ, पोखरा र दिपायललगायतका ठाउँ छन् । यस्तै निगमले हवाई इन्धन अन्तर्राष्ट्रियतर्फ प्रतिकिलो लिटर अमेरिकी डलर १५ का दरले बढाएको छ ।
