५ महिनामा सरकारको पुँजीगत खर्च ११ प्रतिशत
काठमाडाैं, २ पुस । चालु आर्थिक वर्षको ५ महिना मंसिरका बजेट खर्च लक्क्षको २८.८९% खर्च भएको छ ।सरकारले साउनदेखि मंसिर सम्मको ५ महिनाको अवधिमा १८ खर्ब ६० अर्ब ३० करोड ३० लाख लक्क्ष राखेकोमा ५ खर्ब ५६ अर्ब ११ करोड ७७ लाख खर्च गरेको छ ।
यस अवधिमा सरकारको चालु खर्च ३१.८७ प्रतिशत अर्थात ३ खर्ब ६३ अर्ब ५५ करोड १२ लाख रूपैयाँ रहेकाे छ । गत आर्थिक वर्षको ५ महिनामा सरकारले चालु शिर्षकमा ३ खर्ब ५९ अर्ब ९९ कराेड अर्थात ३१.५३ प्रतिशत खर्च गरेकाे थियाे ।
यस अवधिमा सरकारकाे पुँजीगत खर्च न्युन देखिएकाे छ । मंसिर सम्ममा सरकारले पुँजीगत शिर्षकमा ११.५८ प्रतिशत अर्थात ४० अर्ब ८० करोड ६ लाख रूपैयाँ खर्च गरेकाे छ । गत वर्षको पाँच महिनामा सरकारले ३७ अर्ब ७ करोड अथवा वार्षिक लक्ष्यको ११.९४ प्रतिशत पुँजीगत खर्च गरेको थियो ।
यता वित्तीय व्यवस्थापन तर्फ लक्ष्यको १ खर्ब ५१ अर्ब ७६ करोड ५७ लाख अर्थात ४१.३२ प्रतिशत खर्च गरेको छ । गत वर्षको पाँच महिनामा सरकारले ५६ अर्ब ९३ करोड ९७ लाख अथवा वार्षिक लक्ष्यको १८.५२ प्रतिशत वित्तीय व्यवस्थापन खर्च गरेको थियो ।
