तोलामा ११ सय रुपैयाँले बढ्यो सुनको मूल्य
काठमाडाैं, ७ फागुन । नेपाली बजारमा बुधबार पनि सुनचाँदीकाे मूल्य बढेकाे छ । मंगलबार ताेलामा ७०० रूपैयाँले बढेकाे सुनकाे भाउ बुधबार पनि प्रतिताेला ११ सय रूपैयाँले बढेकाे छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ७० हजार ५०० सय रुपैयाँमा कारोबार भइरहेको छ । मंगलबार सुन प्रतितोला एक लाख ६९ हजार ४०० सय रुपैयाँ निर्धारण गरिएको थियो ।
यस्तै बुधबार चाँदी पनि ताेलामा १५ रूपैयाँले बढेर १ हजार नौ सय ८५ रुपैयाँमा कारोबार भइरहेको छ । चाँदी मंगलबार १ हजार ९७० रुपैयाँमा कारोबार भएको थियो ।
