अन्ततः भूमि सम्बन्धी अध्यादेश स्थगित गर्दै सरकार, पाँच अध्यादेश स्वीकृतिका लागि अघि बढाउने सहमति
काठमाडाैं, २० फागुन । सरकारले भूमि सम्बन्धी अध्यादेश स्थगित गर्ने भएको छ । सरकारले जारी गरेका ६ अध्यादेश मध्ये ५ वटा अध्यादेश स्वीकृतिका लागि अघि बढाउने सहमति भएकाे छ भने भूमि सम्बन्धी अध्यादेशमा अझै अध्ययन गर्नु पर्ने भन्दै यसलाइ स्थगित गर्ने निर्णयमा सत्तारुढ दलहरु पुगेका हुन् ।
जनता समाजवादी पार्टी, नेपाल भूमि सम्बन्धि अध्यादेश बाहेकमा समर्थन जनाउन लचिलो भएपछि सत्ता पक्षले बुधबार प्रतिनिधि सभामा र बिहीबार राष्ट्रिय सभाको कार्यसूचीमा राख्ने तयारी भएको हो।
नेकपा एमालेमा प्रमुख सचेतक महेस बर्तौलाका अनुसार भूमि सम्बन्धी अध्यादेश बाहेक पाँच अध्यादेश संघीय संसदका दुवै सदनबाट स्वीकृत गराउनेगरी पेश गरिने छ । उहाँले भूमि सम्बन्धी अध्यादेशको विरोध गरिरहेको सत्तारुढ दल जनता समाजवादी पार्टीले पनि पाँच अध्यादेश पास गर्न सहमति जनाएको छ।
