प्रतिनिधि सभाबाट ‘आर्थिक कार्यविधि तथा वित्तीय उत्तरदायित्व विधेयक’ माथि विचार गरियोस् भन्ने प्रस्ताव बहुमतले स्वीकृत
काठमाडौँ, ३ चैत्र । संघीय संसद् अन्तर्गत रहेको प्रतिनिधि सभाबाट ‘आर्थिक कार्यविधि तथा वित्तिय उत्तरदायित्व (पहिलो संशोधन) विधेयक, २०८१’ विचार गरियोस भन्ने प्रस्ताव प्रबहुमतले स्वीकृत भएको छ । विधेयक स्वीकृत भएसंगै विधेयकमाथि छलफल हुने बाटो खुलेको छ ।
आइबारको प्रतिनिधि सभा बैठकमा विधेयकमाथि संशोधन प्रस्ताव राख्न पनि समय खुला गरिएको छ । सभामुख देवराज घिमिरेले संशोधनका लागि सिंहदरबारस्थित संसद् सचिवालयमा रहेको विधेयक शाखामा सम्पर्क राख्न सांसदहरूलाई भनेका छन् ।
सरकारले यो विधेयक ‘आर्थिक कार्यविधि तथा वित्तिय उत्तरदायित्व (पहिलो संशोधन) अध्यादेश, २०८१’ लाई प्रतिस्थापन गरेर ल्याइएको हो ।
संसद भवन बानेश्रमा आइतबार बसेको प्रतिनिधि सभाको बैठकमा उपप्रधान एवं अर्थमन्त्री विष्णु प्रसाद पौडेलले ‘आर्थिक कार्यविधि तथा वित्तिय उत्तरदायित्व (पहिलो संशोधन) विधेयक, २०८१’ विचार गरियोस भन्ने प्रस्ताव पेश गरेका थिए ।
