साताकाे दाेस्राे दिन पनि घट्याे सेयर बजार, ५ अर्ब ४० करोडकाे काराेबार
काठमाडाैं, ४ चैत्र । नेपालको सेयर बजारमा आज (साेमबार) गिरावट देखिएको छ। नेपाल स्टक एक्सचेञ्ज (नेप्से) १०.१४ अंकले घटेर २,७०४.७० विन्दुमा बन्द भएको छ। यो गिरावट ०.३७ प्रतिशतको हो।
आजको कारोबारमा कुल ५ अर्ब ४० करोड रुपैयाँभन्दा बढीको सेयर कारोबार भएको छ भने ९९ लाख ३५ हजार ८७२ कित्ता सेयर किनबेच भएका छन् । आइतबार ६ अर्ब ८३ करोड रुपैयाँभन्दा बढीको सेयर कारोबार भएको छ भने १ करोड ३९ लाख ७४ हजार ४५२ कित्ता सेयर किनबेच भएकाे थियाे ।
बजारमा आज ८५ कम्पनीको सेयर मूल्य बढेको छ, भने १४५ कम्पनीको सेयर घटेको छ र १३ कम्पनीको मूल्य भने स्थिर रह्यो।
यस दिन कुनै पनि सेयर मूल्यमा सकारात्मक सर्किट लागेको छैन भने राप्ति हाइड्राे एण्ड जेनेरल कन्स्ट्रकसन्काे सेयर मुल्य ९.८६ प्रतिशतले बढेको छ ।
यस्तै आज कुनै पनि सेयरकाे सेयर मुल्यमा नकारात्मक सर्किट लागेको छैन ।
