३७ प्रतिशत नाफा कमाएको ग्लोबल आइएमई बैंकको प्रति सेयर आम्दानी पनि बढ्यो

काठमाडौं, ७ वैशाख । ग्लोबल आइएमई बैंक लिमिटेडले चालु आर्थिक वर्ष २०८१ को तेस्रो त्रैमास (३१ चैतसम्म) सम्मको अपरिष्कृत वित्तीय विवरण सार्वजनिक गरेको छ। विवरणअनुसार बैंकले विभिन्न सूचकहरूमा उल्लेखनीय सुधार देखाएको छ, विशेषगरी नाफा, इपिएस   (EPS) र ग्राहक निक्षेप तथा कर्जा प्रवाहमा।

बैंकले यो त्रैमाससम्ममा ४ अर्ब ५३ करोड रुपैयाँ खुद नाफा कमाएको छ, जुन अघिल्लो वर्षको सोही अवधिको ३ अर्ब ३० करोड रुपैयाँ भन्दा ३७।१२ प्रतिशत बढी हो। यसले बैंकको वित्तीय अवस्था मजबुत भएको संकेत गर्छ। गत वर्षको तुलनामा बैंकको इपिएस  (EPS)  १२.२० रुपैयाँबाट १५.८६ रुपैयाँ मा पुगेको छ, जसले सेयरधनीहरूको प्रतिफलमा सकारात्मक संकेत दिन्छ। डिस्ट्रिब्युटेबल EPS  पनि १२.०४ रुपैयाँ रहेको छ।

ग्लोबल आइएमई बैंकको ग्राहक निक्षेप ६.२०% ले बढेर ५ खर्ब १७ अर्ब रुपैयाँ पुगेको छ भने कर्जा प्रवाह ११.८७% ले वृद्धि भई ४ खर्ब १३ अर्ब रुपैयाँ पुगेको छ। बैंकले कर्जा प्रवाहमा राम्रो विस्तार गरेको देखिन्छ। बैंकको कुल सञ्चालन आम्दानी १५ अर्ब ५३ करोड रुपैयाँ रहेको छ, जुन अघिल्लो वर्षको १५ अर्ब ६३ करोड रुपैयाँ भन्दा ०.६१% ले घटेको हो।
तर, नेट फि तथा कमिशन आम्दानी १७.३०% ले बढेर २ अर्ब ३१ करोड रुपैयाँ पुगेको छ। खुद ब्याज आम्दानी भने ५.४६% ले घटेको छ।  बैंकको नन परफर्मिङ लोन (NPL) अर्थात खराब कर्जा ४.९८% रहेको छ, जुन अघिल्लो वर्षको ४.७४% भन्दा केही माथि हो।

अन्य वित्तीय सूचकहरू :
डिस्ट्रिब्युटेबल प्रॉफिटस् ३ अर्ब ५५ करोड रुपैयाँ

नेटवर्थ प्रति सेयरस् १७३.४७ रुपैयाँ

क्रेडिट टु डिपोजिट रेसियोस् ७८.०४%

बेस रेटस् ६.३०%

इन्ट्रेस्ट रेट स्प्रेडस् ३.७९% (अघिल्लो वर्षको ७.५२५ बाट घटेको)

बैंकले चालु आर्थिक वर्षको तेस्रो त्रैमाससम्ममा समग्रमा सकारात्मक प्रदर्शन देखाएको छ। खुद नाफा, भ्एक्, कर्जा प्रवाह, र ग्राहक निक्षेपमा सुधार आएको छ। यद्यपि ब्याज आम्दानीमा केही गिरावट र अपब्याजदरमा थोरै वृद्धि भए पनि अन्य वित्तीय सूचकहरू मजबुत देखिएका छन्। बैंकले पूँजी, लाभांश क्षमता र सेयर बजारमा आकर्षण बढाउने संकेत देखाएको छ।