राजनीतिक रस्साकस्सीबीच डा. विश्वनाथ पौडेल राष्ट्र बैंकको १८औं गभर्नर नियुक्त
काठमाडाैं, ७ जेष्ठ । सत्तारूढ गठबन्धन दलहरू — नेपाली कांग्रेस र नेकपा एमाले — बीच लामो राजनीतिक रस्साकस्सीपछि अन्ततः डा. विश्वनाथ पौडेललाई नेपाल राष्ट्र बैंकको १८औं गभर्नरमा नियुक्त गरिएको छ।
जेठ ६ गते (मंगलबार) बसेको मन्त्रिपरिषद् बैठकले अर्थमन्त्री एवं उपप्रधानमन्त्री विष्णुप्रसाद पौडेलको अध्यक्षतामा गठन भएको उच्चस्तरीय छनोट समितिको सिफारिसमा पौडेलको नियुक्ति स्वीकृत गरेको हो। समितिले कार्यवाहक गभर्नर नीलम ढुंगाना तिमिल्सिना, वरिष्ठ अधिकारी दिनेश भट्टराई र डा. पौडेललाई अन्तिम तीन उम्मेदवारको सूचीमा राखेको थियो।
विश्वनाथ पौडेल नेपाली कांग्रेसको उम्मेदवारका रूपमा अगाडि बढाइएका थिए। स्रोतहरूका अनुसार प्रधानमन्त्री केपी शर्मा ओली र कांग्रेस सभापति शेरबहादुर देउवाबीच पर्दा पछाडिको राजनीतिक समझदारीपछि मात्र पौडेलको नाम अनुमोदन भएको हो। देउवाले प्रधानमन्त्री ओलीलाई गठबन्धनमा असन्तुलन ल्याउने चेतावनीसहित कडा दबाब दिएको बताइएको छ।
राष्ट्र बैंकको ऐतिहासिक पृष्ठभूमि
वि.सं. २०१३ मा स्थापना भएको नेपाल राष्ट्र बैंकले मौद्रिक नीति निर्माण, वित्तीय स्थायित्व, बैंकिङ नियमन तथा वैदेशिक मुद्राको व्यवस्थापन गर्ने जिम्मेवारी लिएको छ। करीब सात दशकको इतिहासमा राष्ट्र बैंकले राष्ट्रकी आर्थिक मार्गदर्शकको भूमिका निर्वाह गर्दै आएको छ।
संस्थाको इतिहासमा, विभिन्न राजनीतिक शासनकाल — राजतन्त्रदेखि संघीय लोकतान्त्रिक गणतन्त्रसम्म — राष्ट्र बैंकले मुलुकको आर्थिक परिदृश्यमा उल्लेखनीय योगदान पुर्याउँदै आएको छ।
नेपाल राष्ट्र बैंकका अहिलेसम्मका गभर्नरहरूको सूची
१. हिमालय शम्शेर राणा (२६ अप्रिल १९५६ – ७ फेब्रुअरी १९६१)
२. लक्ष्मी नाथ गौतम (८ फेब्रुअरी १९६१ – १७ जुन १९६५)
३. प्रद्युम्नलाल राजभण्डारी (१८ जुन १९६५ – १३ अगस्ट १९६६)
४. डा. भेषबहादुर थापा (१४ अगस्ट १९६६ – २६ जुलाई १९६७)
५. डा. यादवप्रसाद पन्त (२४ अप्रिल १९६८ – २८ अप्रिल १९७३)
६. कुलशेखर शर्मा (२९ अप्रिल १९७३ – १२ डिसेम्बर १९७८)
७. कल्याण बिक्रम अधिकारी (१३ जुन १९७९ – ८ डिसेम्बर १९८४)
८. गणेशबहादुर थापा (२५ मार्च १९८५ – २२ मे १९९०)
९. हरिशंकर त्रिपाठी (१० अगस्ट १९९० – १७ जनवरी १९९५)
१०. सत्येन्द्र प्यारा श्रेष्ठ (१८ जनवरी १९९५ – १७ जनवरी २०००)
११. डा. तिलकबहादुर रावल (१८ जनवरी २००० – १७ जनवरी २००५)
१२. दीपेन्द्र पुरुष ढकाल (२९ अगस्ट २००० – २७ अप्रिल २००१)
१३. विजयनाथ भट्टराई (३१ जनवरी २००५ – ३० जनवरी २०१०)
१४. दीपेन्द्र बहादुर क्षेत्री (१५ जनवरी २००९ – २६ जुलाई २००९)
१५. डा. युवराज खतिवडा (२२ मार्च २०१० – १९ मार्च २०१५)
१६. डा. चिरञ्जीवी नेपाल (२२ मार्च २०१५ – १८ मार्च २०२०)
१७. महाप्रसाद अधिकारी (६ अप्रिल २०२० – ५ अप्रिल २०२५)
१८. डा. विश्वनाथ पौडेल (६ जेठ २०८२ बाट नियुक्त)
डा. पौडेलले नेपाल राष्ट्र बैंकको आगामी रणनीतिक दिशा निर्धारण गर्ने जिम्मेवारी पाएका छन्।
