राष्ट्र बैंकको झन्डै ३ अर्बको मुद्दती निक्षेप लगानी, बैंकहरूलाई प्रस्ताव आह्वान

राष्ट्र बैंकले वाणिज्य बैंकहरूमा २ अर्ब ३४ करोड ४ लाख रुपैयाँ, राष्ट्रियस्तरका विकास बैंकहरूमा ४३ करोड ८७ लाख रुपैयाँ र राष्ट्रियस्तरका वित्तीय संस्थाहरूमा १४ करोड ६२ लाख रुपैयाँ निक्षेप जम्मा गर्ने जनाएको छ ।

यो निक्षेप लिन चाहने बैंक तथा वित्तीय संस्थाहरूले आफूले लिन चाहेको रकम र सोमा प्रदान गर्ने ब्याजदरसहितको प्रस्ताव साउन १४ गते राति १२ बजेसम्म बोलकबोलमार्फत पेश गर्नुपर्नेछ । राष्ट्र बैंकले यसरी राखिएको मुद्दती निक्षेपको ब्याज बैंक तथा वित्तीय संस्थाले मासिक रूपमा भुक्तानी गर्नुपर्ने जानकारी दिएको छ ।