झापा इनर्जीको आईपीओ भदौ २० गतेदेखि, सर्वसाधारणका लागि ४.७३ लाख कित्ता शेयर
काठमाडौं, ११ भदौ । झापा इनर्जी लिमिटेडले सर्वसाधारणका लागि भदौ २० गतेदेखि आईपीओ निष्काशन गर्ने भएको छ। यसअघि आयोजना प्रभावित क्षेत्रका स्थानीय बासिन्दा र वैदेशिक रोजगारीमा रहेका नेपालीका लागि छुट्याइएको शेयर वितरण सम्पन्न भएपछि अब सर्वसाधारणले पनि आवेदन दिन सक्ने भएका हुन्।
कम्पनीले पहिलो चरणमा ३ लाख ८० हजार १९० कित्ता शेयर आयोजना प्रभावित क्षेत्रका स्थानीयलाई र ५७ हजार २९ कित्ता विदेशमा रहेका नेपाली श्रमिकलाई निष्काशन गरी बाँडफाँट गरिसकेको छ।
दोस्रो चरणमा भने सामूहिक लगानी कोषका लागि २८ हजार ५१४ कित्ता, कर्मचारीका लागि ११ हजार ४०६ कित्ता र बाँकी सर्वसाधारणका लागि ४ लाख ७३ हजार ३३६ कित्ता साधारण शेयर खुला गर्ने निर्णय भएको छ। यस आईपीओको कुल मूल्य ४ करोड ७३ लाख ३३ हजार ६०० रुपैयाँ रहेको छ।
प्रति कित्ता १०० रुपैयाँ अंकित दरमा जारी हुने शेयरमा न्यूनतम १० कित्ता र अधिकतम ५ हजार कित्तासम्म आवेदन दिन सकिनेछ।
कम्पनीका अनुसार आईपीओ निष्काशन छिटोमा भदौ २४ गते बन्द हुनेछ भने ढिलोमा असोज ३ गतेसम्म आवेदन दिन सकिनेछ।
