डेल्टा अटोकर्पद्वारा दशैं–तिहार बम्पर स्कुटर अफर
काठमाडौं, १३ भदौ । नेपालका लागि भेस्पा–एप्रिलिया स्कुटरका आधिकारिक वितरक डेल्टा अटोकर्प प्रालिले यस वर्ष पनि दशैं, तिहार र छठ पर्वको अवसरमा “डबल या ट्रिपल बबाल” फेस्टिभ अफर सार्वजनिक गरेको छ।a
यस अफर अन्तर्गत भेस्पा वा एप्रिलिया स्कुटर खरिद गर्ने हरेक ग्राहकले आकर्षक स्क्र्याच कार्ड पाउनेछन्। कार्डमा दिइएको कोड स्क्यान गरी प्राप्त रकमलाई दोब्बर वा तेब्बरसम्म बढाउन सकिने व्यवस्था गरिएको छ।
अफरको विशेषताअनुसार हरेक हप्ताको लक्की ड्र मार्फत ग्राहकहरूले ४ रात ५ दिनको थाइल्याण्ड भ्रमण जित्ने अवसर पाउनेछन्। त्यस्तै, बम्पर पुरस्कार स्वरूप एक भाग्यशाली ग्राहकले रु १० लाख नगद जित्ने मौका पनि पाउनेछन्।
साथै, जुनसुकै कम्पनीको पुरानो मोटरसाइकल वा स्कुटर एक्सचेन्ज गर्दा न्यूनतम रु ४०,००० मूल्याङ्कन प्राप्त गर्न सकिनेछ। स्क्र्याच कार्डमार्फत बजार मूल्याङ्कनभन्दा थप रु १,५०,०००सम्म पाउन सकिने सुविधा रहेको छ।
फाइनान्स सुविधा पनि आकर्षक बनाइएको छ। ४.९९% ब्याजदरमा इएमआई सुविधा र शून्य सेवा शुल्कसहित स्कुटर खरिद गर्न सकिनेछ। यो अफर नेपालभरका सबै आधिकारिक भेस्पा–एप्रिलिया शोरूमहरूमा उपलब्ध हुनेछ।
डेल्टा अटोकर्प प्रालिका प्रमुख कार्यकारी अधिकृत विजय महतोले भने, “ग्राहकहरूको उत्सवलाई अझ रोचक बनाउन हामीले ‘डबल या ट्रिपल बबाल’ अफर ल्याएका छौं। हामी विश्वास गर्छौं, यस अफरले ग्राहकहरूको पर्वलाई विशेष बनाउनेछ र उनीहरूले भरपुर लाभ उठाउनेछन्।”
