बिहिबार नेप्से ४ दशमलव ३६ अंकले घट्यो
काठमाण्डौ, २१ भदौ । साताको अन्तिम दिन बिहिबार नेपाल स्टक एक्सचेन्ज ९नेप्से० परिसूचक ४ दशमलव ३६ अंकले घटेर १ हजार २ सय २९ दशमलव ७७ को बिन्दुमा कारोबार बन्द भएको छ ।
बिहिबार सबैभन्दा उच्च बिन्दु १ हजार २ सय ४७ दशमलव ३५ को बिन्दुमा पुगेको थियो भने न्युनतम बिन्दु १ हजार २ सय २४ दशमलव २५ को बिन्दुमा पुगेको थियो ।
त्यस्तै ‘क’ वर्गका कम्पनीहरुको मापन सेन्सेटिभ परिसुचक भने शुन्य दशमलव ८१ अंकले बढेर २ सय ६० दशमलव ३५ अंकमा पुगेर बन्द भएको छ ।
उक्त दिनमा कुल १ सय ७४ कम्पनीको ३२ लाख २८ हजार ५ सय ६९ कित्ता शेयर खरिदबिक्री हुँदा ७९ करोड ३३ लाख ८६ हजार ३ सय ६८ रुपैयाँको कारोबार भएको छ ।
यस दिन सबैभन्दा बढी कारोबार एनएमबी बैंकको शेयर भएको छ । जसको बिहिबार १० करोड ३४ लाख ४४ हजार १५४ रुपैयाँको शेयर कारोबार भएको छ ।
त्यस्तै बिहिबार सर्वाधिक कमाउनेमा काबेली विकास बैंकका लगानीकर्ताहरु रहेका छन् । जसको शेयर मूल्यमा ९ दशमलव ६५ प्रतिशत बढेको छ ।
