सेयर बजारमा १४ अंकको बृद्धि, ७२ करोड भन्दा बढीको कारोबार
काठमाडौं, २८ भद्रौ । साताको अन्तिम कारोबार दिन आज सेयर बजार उकालो चढेको छ । बजार १४.१३ अंकले बढेर १२४४.८४ बिन्दुमा उक्लिएको छ ।
आज कारोबारमा आएका मध्ये निर्जीबन बीमा ४१.४१, माइक्रोफाइनान्स ०.६९ र नीजिनबीमा समूहको परिसूचक ११.१८ अंकले घटेपनि अन्य सबै समूहको परिसूचक उकालो लागेको छ ।
बैंकिङ समूहको परिसूचक १६.२, होटल ३२.१९, विकास बैंक ११.२७ र अन्य समूहको परिसूचक २२.२९ अंकले बढेको छ ।
सो दिन एक सय ७३ कम्पनीको ७२ करोड भन्दा बढीको सेयर किनबेच भएको छ । जसमा नेपाल सेवा लघुवित्त वित्तय संस्थाका लगनीकर्ताले सबैभन्दा धेरै कमाएका छन् भने भागर्व विकास बैंकका लगानीकर्ताले सबैभन्दा धेरै गुमाएका छन् ।
हिजो पनि बजार १३ अंकले बढेको थियो । हिजोको तुलनामा आज बजार झिनो अंकले मात्र बढेपनि कारोबार रकम भने झन्डै दोब्बरले बढी हो ।
