लघुवित्त संस्थाबाट पनि विद्युतीय भूक्तानी, बंगलादेशबाट आवश्यक सामान ल्याउने तयारी
दिलु कार्की
काठमाडौं, १७ असोज । लघुवित्त संस्थाहरुबाट पनि अब विद्युतीय बिल भुक्तानी गर्न सकिने भएको छ । बाणिज्य बैंक, विकास बैंकहरुले प्रदान गदै आएको विद्युतिय सेवा प्रदायकको कामको जिम्मेवारी नेपाल राष्ट्र बैंकले लघुवित्त संस्थाहरुलाई पनि दिएको हो । राष्ट्र बैंकले निर्देशन जारी गर्दै १० करोड चुक्ता पुँजी पुगिसकेका लघुवित्तहरुले यस्तो सेवा संचालन गर्न पाउने व्यवस्था गरेको छ ।
केन्द्रिय बैंकका अनुसार १० करोड चुक्ता पुँजी पुगेका लघुवित्तहरुलाई तोकेको मापदण्ड पुरा गरेको भए मात्र यस्तो सेवा संचालन गर्न पाउने छन् । बैंकको मापदण्ड अनुसार लघुवित्त संस्थाहरुले २० वटा शाखा संचालन गरेको हुनुपर्ने र उक्त शाखाबाट न्यूनतम २० हजार ग्राहकसँग कर्जा तथा बचत कारोबार गरेको हुनु पर्ने छ । यस्तै राष्ट्र बैंकमा अनलाईन सम्बन्धी विभिन्न प्रकारका कारोबारको अनुमति र प्रतिबद्धता लिएको, विद्युतीय सेवाहरु संचालन गरिरहेको र भुक्तानी कारोबारका लागि आवश्यक तरलता व्यवस्थापन गरेको हुनु पर्ने छ ।
हाल संचालनमा रहेको कुल ६७ वटा लघुवित्तहरु संचालनमा छन् । १० करोड चुक्ता पुँजी पुगेका लघुवित्तले अहिले नै यस्तो सेवा जनतालाई दिन नसक्ने नेपाल लघुवित्त संघका अध्यक्ष राम चन्द्र जोशीले बताए । ‘केही लघुवित्तहरुले राष्ट्र बैंकको निर्देशन भन्दा अगावै यस्तो सेवा जनतालाई प्रदान गरिरहेका छन् अध्यक्ष, जोशीले भने– तर प्राविधिक कठिनाईका कारण तोकिएको मापदण्ड पुरा गर्ने संस्थाले पनि यो सेवा दिन सक्दैनन् । ’
हाल नेपालका सबै लघुवित्त संस्थाहरुमा अन्तर्राष्ट्रिय स्तरका विद्युतिय सेवा प्रदान गर्न मेसिनरीहरु छैनन् । राष्ट्र बैंकल बिद्य्ुतीय बिल भुक्तानी सेवा सम्बन्धी निर्देशन नै जारी गरेपछि लघुवित्त संघले बंगलादेशबाट उच्च स्तरिय विद्युतीय मेसनरीका सामानहरु ल्याउने तयारी गरेको उनले बताए । दशैं पछि अन्तर्राष्ट्रिय स्तरका प्रविधिहरु लघुवित्त क्षेत्रमा भित्रिने र बाणिज्य बैंक सरह नै जनतालाई सेवा दिने अध्यक्षय जोशीले जानकारी दिए ।
