अर्थको अर्थका प्रमुख कार्यक्रम निर्माता गौतम सम्मानित
काठमाडौं, १५ मंसिर । नेपाल आर्थिक पत्रकार समाज (सेजन) ले लामो समय देखि आर्थिक पत्रकारितामा सक्रिय रहि योग्दान गरेको भन्दै अर्थको अर्थका प्रमुख कार्यक्रम निर्माता हृदयराज गौतमलाई सम्मान गरेको छ । सेजनको २१ औं वार्षिकोत्सवको अवसरमा आज अर्थमन्त्री डा.युवराज खतिवडाले गौतमलाई सम्मानपत्र प्रदान गरेका थिए ।
गौतमसँगै कान्तिपुर टेलिभिजनका समाचार प्रमुख प्रशान्त अर्याल, आर्थिक अभियानका सम्पादक मदन लम्साल र कारोबार दैनिकका सम्पादक कुबेर चालिसेलाई पनि सम्मान गरिएको थियो ।
त्यस्तै सेजनले हरेक वर्ष जस्तै यस वर्ष पनि नागरिक दैनिकका रुद्र खड्का र क्यापिटल नेपालका सुवास योञ्जनलाई उत्कृष्ट पत्रकारिता पुरस्कार प्रदान गरेको छ।
