दुरसंचार प्रधिकरणका अध्यक्ष झाको नियुक्ती बदर गर्न नेकपा नेताहरूको माग
काठमाडौं, ८ पुस। नेपाल दुरसंचार प्रधिकरणका अध्यक्ष दिगम्बर झाको नियुक्ती बदर गर्न माग गर्दै नेकपाका ४३ केन्द्रिय नेताहरूले प्रधानमन्त्री एव पार्टी अध्यक्ष केपी शर्मा ओलीको ध्यान आकर्षण गराएका छन् ।
उनिहरुले सरकारले भूष्ट र विवादित छवि भएका व्यक्तिलाई राजनीतिक नियुक्ति गर्दा गलत सन्देश गएको झाको नियुक्ती वदर गर्न माग गर्दै ज्ञापन पत्र मार्फत ओलीको ध्यानाकर्षण गराएका हुन ।
नेकपाको जारी स्थायी कमिटी बैठकमा यो विषयलाई छलफलको एजेन्डाका रुपमा प्रस्तुत गर्न माग गर्दै नेताहरुले विवादित र भ्रष्टछवि भएकाहरुको नियुक्ति तत्काल खारेज गर्न पनि माग गरेका छन् ।
नेकपा नेतृत्वको सरकारमाथि कार्यकर्ता तथा जनताले धेरै अपेक्षा गरेकाले यस्ता कदमले सरकार र पार्टीको लोकप्रियता नै गुम्ने खतरा भएकाले नेतृत्व सचेत हुनुपर्ने ज्ञापन पत्रमा उल्लेख छ । यस्तै उनीहरुले ज्ञापनपत्रमा एनसेल करछली लगायतका राजस्व छली गर्नेलाई कारबाही गर्न पनि माग गरेका छन् ।
