लगानी सम्मेलनमा दर्जन भन्दा बढी परियोजनामा सम्झौता हुँदै, पूर्वाधारमा लगानी गर्न १० अर्बको कोष
काठमाडौं,१६ चैत । लगानी सम्मेलनको आज अन्तिम दिन विभिन्न परियोजनामा सम्झौता र समझदारी गरेर तेस्रो लगानी सम्मेलन सकिदैछ । काठमाडौंको होटल सोल्टीमा जारी सम्मेलनको दोस्रो दिन लगानीकर्ताहरुका अनुभव समेटिएका विभिन्न सत्रमा छलफल पछि सम्झौता र समझदारीमा हस्ताक्षर गर्ने कार्यक्रम रहेको छ । गैर आवासीय नेपाली संघ र सरकारबीच पूर्वाधारमा लगानी गर्ने गरी १० अर्बको कोष स्थापना गर्ने सम्झौता हुँदै छ ।
नेपालमा लगानीको सम्भावना रहेका कृषि, बन, पूर्वाधार विकासका सत्रहरुमा पनि समूहगत छलफल पनि हुनेछ । सम्मेलनका क्रममा १२ वटा विभिन्न परियोजनामा लगानी सम्बन्धी सम्झौता र समझदारी हुने लगानी बोर्डले जानकारी दिएको छ ।
सम्मेलनका क्रममा जलविद्युत, कृषि, उद्योग, पर्यटन यातायात लगायतका सार्वजनिक क्षेत्रका ५० र निजी क्षेत्रका २७ गरी कुला ७७ परियोननका सम्मेलनमा राखिएको छ । शुक्रबारदेखि शुरु भएको सम्मेलनमा ४० देशका ६ सय ५० को सहभागितता रहेको छ । लगानी सम्मेलनको अन्तिम दिन आज बेलुका पत्रकार सम्मेलन गरेर उपलब्धिहरुका सम्वन्धमा जनाकारी गराइने भएको छ ।
