५ भन्सार कार्यालयमा प्रभु बैंकको एक्सटेन्सन काउन्टर संचालनमा
काठमाडौं, १६ बैशाख । प्रभु बैंकले नेपाल भारत सीमामा रहेका ५ वटा भन्सार कार्यालयहरुमा बैंकिङ्ग सेवा उपलब्ध गराउन एक्स्टेन्सन काउण्टरहरु सञ्चालनमा ल्याएको छ । सर्लाही जिल्लास्थित सर्लाही भन्सार, सिराहा जिल्लास्थित माडर भन्सार, रौतहट जिल्लास्थित गौर भन्सार, सप्तरी जिल्लास्थित राजविराज भन्सार र धनुषा जिल्लाको जनकपुरस्थित जटही छोटी भन्सार कार्यालयमा बैंकले एक्स्टेन्सन काउण्टर संचालनमा ल्याई बैंकिङ्ग सेवा थालनी गरेको हो ।
नेपालको सबैभन्दा ठूलो व्यापारिक साझेदारको रुपमा रहेको छिमेकी राष्ट्र भारतसँगको सिमानामा सञ्चालनमा आएका बैंकका एक्स्टेन्सन काउण्टरहरुको सेवाबाट सम्बन्धित भन्सार कार्यालयहरुको स्तरोन्नतीसँगै राजस्व संकलनमा समेत सहजता आउने विश्वास लिइएको छ।
