बाणिज्य बैंकहरुले १० प्रतिशत भन्दा बढी कल डिपोजिट लिन नपाउने
काठमाडौं, १० जेठ । बाणिज्य बैंकहरुले आफ्नो निक्षेपको १० प्रतिशतभन्दा बढी कल डिपोजिट लिन नपाउने भएका छन् । नेपाल राष्ट्र बैंकले निर्देशिका जारी गर्दै कल बाणिज्य बैंकहरुमा १० प्रतिशतको सिमा निर्धारण गरेको हो ।
बैंकमा कल डिपोजिट बढी हुँदा प्रणालीगत जोखिम बढ्ने देखिएकोले सिमा निर्धारण गरिएको जनाइएको छ। नयाँ व्यवस्था अनुसार बाणिज्य बैंकहरुले कुल निक्षेपको १० प्रतिशतसम्म कल डिपोजिट लिन पाउने छन् । यस्तै विकास बैंक र फाइनान्स कम्पनीहरुले १५ प्रतिशतसम्म मात्रै कल डिपोजिट लिन पाउने छन् ।
तोकिएभन्दा बढी कल डिपोजिट हुने बैंक तथा वित्तीय संस्थाहरुले आउँदो असार मसान्तसम्ममा सिमा भित्र ल्याइसक्नुपर्ने छ । अहिले बाणिज्य बैंकहरुमा कल डिपोजिटको अंक ११ प्रतिशतको हाराहारीमा छ ।
