नेपाल बैंकको प्रमुख कार्यकारी अधिकृत छान्न तीन सदस्यिय समिति गठन
काठमाडौं, १३ साउन । सरकारी स्वामित्वमा रहेको नेपालको पुरानो बैंक नेपाल बैंक लिमिटेडको प्रमुख कार्यकारी अधिकृत छनौटका लागि समिति गठन गरिएको छ । अर्थमन्त्रालयले बैंक संचालक समितिका सदस्य दिपेन्द्र बिक्रम थापाको नेतृत्वमा तीन सदस्यिय समिति गठन गरेको हो ।
समितिका सदस्यहरुमा आइक्यानका अध्यक्ष कृष्णप्रसाद आचार्य र उपाध्यक्ष मदन शर्मा रहेका छन् । समितिले छिटै प्रमुख कार्यकारी अधिकृतको आवेदन आह्वान गर्ने छ । कुशल प्रमुख कार्यकारी अधिकृत छनौटका लागि समिति गठन गरिएको बताइएको छ । राजनीतिक आस्था भन्दा पनि कुसल, अनुभवि र क्षमतावान व्यक्तिको छनौट गरि बैंक व्यवस्थापनको जिम्मेवारी दिने समितिले जनाएको छ।
नेपाल बैंकमा देवेन्द्र प्रताप शाहको कार्यकाल सकिएपछि हाल कृष्ण प्रसाद अधिकारीले निमित्त प्रमुख कार्यकारी अधिकृतका जिम्मेवारी सम्हाल्दै आएका छन् ।
