लुम्बिनी विकास बैंकले पायो १० प्रतिशत हकप्रद शेयर निष्कासनको अनुमति
काठमाडौं, १३ पौष । नेपाल धितोपत्र बोर्डले लुम्बिनी विकास बैंकलाई हकप्रद शेयर निष्कासनको लागि अनुमति दिएको छ । बैंकले १० बराबर १ अर्थात १० प्रतिशत हकप्रद शेयर निष्कासनको लागि अनुमति पाएको हो ।
बैंकले एक सय रुपैयाँ अंकित मुल्य भएको २० करोड ८ लाख ८७ हजार ८२७ रुपैयाँ बराबरको २० लाख ८ हजार ८७८.२७ कित्ता हकप्रद शेयर निष्कासन गर्ने भएको छ । बैंकले हकप्रद शेयर निष्कासनको लागि बिक्री प्रबन्धकमा प्रभु क्यापिटललाई नियुक्त गरेको छ ।
बैंकले जारी गर्ने भनेको १० प्रतिशत हकप्रद शेयर पछि चुक्ता पुँजी २ अर्ब २१ करोड रुपैयाँ पुग्ने छ । बैंकको हाल चुक्ता पुँजी २ अर्ब १ करोड रुपैयाँ रहेको छ । राष्ट्र बैंकको निर्देशन अनुसार बैंकलाई २९ करोड रुपैयाको आवश्यकता पर्ने देखिन्छ ।
