प्रत्येक दिन दुई जना जेष्ठ नागरिकले हवाई सेवामा ५० प्रतिशत छुट पाउने
काठमाडौं, १० असोज । प्रत्येक दिन दुई जना ७० वर्षमाथिका जेष्ठ नागरिकले हवाई भाडामा ५० प्रतिशत छुट पाउने भएका छन् । असोज १२ गते घटस्थापनाबाट लागु हुनेगरी आन्तरिक उडानको हवाई भाडामा वायुसेवा कम्पनीहरुले ५० प्रतिशत छुट दिने भएका हुन् ।
उक्त छुट पाउनका लागि जेष्ठ नागरिकाले स्वयम वायुसेवा कम्पनीको कार्यालयमा उपस्थित भएर आफू विपन्न र जेष्ठ नागरिक भएको प्रमाण पेस गर्नु पर्ने वायुसेवा सञ्चालक संघ, नेपालले प्रेस विज्ञप्तिमार्फत् जानकारी दिएको छ । वायुसेवा कम्पनीले प्रत्येक दिन विपन्न जेष्ठ नागरिकलाई यो सेवा उपलब्ध गराउने जनाईएको छ । उक्त छुट सुविधा अपर लिमिट हवाई भाडामा मात्र लागु हुने जनाईएको छ ।
त्यस्तै स्टल रुटमा हवाई सेवा सञ्चालन गर्ने वायुसेवा कम्पनीले प्रतिसेक्टरमा १ जना विपन्न जेष्ठ नागरिकलाई मात्र यो सुविधा उपलव्ध गराउने छन् । पर्यटनमन्त्री योगेश भट्टराईले गत भदौ १० गते ७० वर्षभन्दा माथिका जेष्ठ नागरिकलाई निःशूल्क हवाई टिकट उपलब्ध गराउने घोषणा गरेका थिए ।
