नविल बैंकले ल्यायो ३५ घण्टामै स्विकृत हुने ‘नविल सजिलो एक्सप्रेस कर्जा’ योजना
काठमाडौं, ७ पुस । नविल बैंकले ‘नविल सजिलो एक्सप्रेस कर्जा’ योजना ल्याएको छ। बैंकले आज राजधानीमा पत्रकार सम्मेलन आयोजना गरि उक्त कर्जा योजना सार्वजनिक गरेको हो ।
युकेएड सक्षमसँगको सहकार्यमा बैंकले उक्त कर्जा योजना ल्याएको हो । यो योजना अन्तर्गत १५ लाख रुपैयाँ देखि ७५ लाख रुपैयाँसम्म कर्जा सुविधा पाइने छ । कर्जाको ब्याजदर वार्षिक १०.५ प्रतिशत रहेको बैंकका प्रमुख कार्यकारी अधिकृत अनिलकेशरी शाहले जानकारी दिए।
कर्जा स्विकृत अवधि ३५ घण्टा रहेको छ । आवश्यक सम्पूर्ण डकुमेन्ट पेश गरेको ३५ घण्टा भित्र कर्जा स्विकृत हुने उनले जानकारी दिए ।
यो सुविधा बैंकको सम्पूर्ण शाखाबाट उपलब्ध हुने जानकारी दिइएको छ। हाल बैंकको ९२ वटा शाखा कार्यालय संचालनमा छन् ।
