अर्थमन्त्री डा. खतिवडाको राजीनामा स्वीकृत, अर्थमन्त्रीमा खतिवडाले नै निरन्तरता पाउने
काठमाडौं, २० फागुन । अर्थमन्त्री डा. युवराज खतिवडाले पदबाट राजीनामा दिएका छन् । उनको राष्ट्रिय सभा सदस्यको कार्यकाल आज सकिने भएपछि पदबाट राजीनामा दिएका हुन् । उनको राजीनामा राष्ट्रपति बिद्यादेवी भण्डारीले स्वीकृत गरि खतिवडाले सम्हाल्दै अएका अर्थ र सञ्चार मन्त्रालयको जिम्मेवारी प्रधानमन्त्रीलाई दिएकी छिन् । तर, अर्थमन्त्रीमा भने खतिवडाले नै निरन्तरता पाउने छ्न्।
नेकपा स्रोतका अनुसार प्रधानमन्त्री केपी शर्मा ओलीले संविधानको धारा ७८ अनुसार उनलाई अर्थमन्त्रीमा नियुत्त गर्ने छ्न् । धारा ७८ मा संघीय संसद्को सदस्य नभएको व्यक्तिलाई मन्त्री नियुक्त गर्न सकिने व्यवस्था रहेको छ । यसरी नियुक्त भएको मन्त्रीले सपथ लिएको ६ महिनाभित्र संघीय संसदको सदस्यता पाइसक्नु पर्नेछ ।
खतिवडा राष्ट्रपतिबाट राष्ट्रिय सभा सदस्यमा नियुत्त भयका हुन् । उनलाइै २ वर्षको चिट्ठा परेको थियो । अब, उनको ठाँउमा बामदेव गौतमलाई राष्ट्रिय सभामा पठाउने निर्णय नेकपा सचिवालयले गरेको छ । तर, प्रधानमन्त्री ओली भने खतिवडालाई नै निरन्तरता दिने मनस्थितिमा छ्न् ।
