नबिल बैंकको ‘नबिल डिबेन्चर २०८२’ चैत २ देखि बिक्री खुला
काठमाडौं, २८ फागुन । नबिल बैंकले २ अर्ब रुपैयाँको ‘नबिल डिबेन्चर २०८२’ निष्काशन गर्ने भएको छ । उक्त डिबेन्चर आगामी चैत २ गते देखि खुला भई छिटोमा चैत ५ गते र ढिलोमा १६ गते बन्द हुने बैंकले जनाएको छ ।
बैंकले ७ वर्षका लागि बार्षिक १० प्रतिशत ब्याजदरमा डिबेन्चर बिक्री गर्न लागेको हो ।
इच्छुकले बैंकको जुनसुकै शाखा तथा सि–आस्बामा सहभागि बैंक तथा वित्तीय संस्था मार्फत आवेदन दिन सक्ने छन् । बैंकले डिबेन्चरलाई लगानीको सुवर्ण अवसरसँगै समृद्ध जीवन यात्राको लहरको रुपमा औल्याएको छ ।
