नेपालमा कोरोना संक्रमितको संख्या ४३६४ पुग्यो
काठमाडौं, २८ जेठ । नेपालमा कोरोना संक्रमितको संख्या ४ हजार ३ सय ६४ पुगेको छ । बुधबार थप २ सय ७९ जनामा कोरोना संक्रमण पुष्टि भएसँगै संक्रमितको संख्या ४ हजार ३ सय ६४ पुगेको स्वास्थ्य तथा जनसंख्या मन्त्रालयले जनाएको छ ।
आज थप भएका संक्रमितमध्ये २५७ जना पुरुष र २२ जना महिला रहेका छन् ।
त्यस्तै कोरोना भाइरस संक्रमण निको हुनेको संख्या ६ सय ७४ पुगेको छ । पछिल्लो २४ घण्टामा निको हुनेको संख्या ९० रहेको छ । देशका विभिन्न स्थानमा १ लाख ७२ हजार २ सय ६६ जना क्वारेन्टाइनमा रहेका छन् ।
