बुटवल पावरको एफपिओ आज देखि संस्थागत लगानीकर्ताले पनि भर्ना पाउने
काठमाडौं, २६ माघ । बुटबल पावर कम्पनी लिमिटेडले निष्कासन गरेको नयाँ साधारण सेयर (एफपीओ) मा संस्थागत लगानीतर्काले पनि आवेदन गर्न पाउने भएका छन् । सर्वसाधारण लगानीकर्ताबाट मागअनुसार प्रर्याप्त आवेदन नपरेपछि संस्थागत लगानीकर्तालाई समेत आवेदन खुला गरिएको हो।
कम्पनीको शेयर बिक्री प्रबन्धक एनएमबि क्यापिटलका अनुसार शुक्रबारदेखि संस्थागत लगानीकर्ताले बुटवल पावरको एफपिओमा आवेदन दिन पाउने छन् । बुटवल पावर कम्पनीले गत माघ १५ गतेदेखि ४० करोड ८१ लाख रुपैयाँ बराबरको ४० लाख ८१ हजार कित्ता एफपिओको बिक्री खुलागरेको थियो । छिटोमा माघ १९ गतेसम्म आवेदन दिन पाइने व्यवस्था गरिएको थियो । तर कम्पनीले आवश्यक आवेदन नपरेपछि फागुन १५ गतेसम्म बिक्री खुला गर्ने यसअघि नै बताएको थियो ।
लगानीकर्ताले एनएमबि क्यापिटल नागपोखरी, लक्ष्मी क्यापिटल बानेश्वर, बुटवल पावर कम्पनी, वुद्ध नगर तथा आस्वा सदस्य रहेका जुनसुकै बैंक तथा वित्तीय संस्थाबाट आवेदन गर्न सक्ने छन् ।
